Манчестер сити и Пари Сен Жермен вложија неверојатни суми пари изминатава декада, но освен домашните првенства, во евронатпреварувањата сè уште немаат успех.
Двата тима ако се собере заеднички, имаат инвестирано над милијарда евра, а досега имаат два порази во финалињата од Лигата на шампионите.
Фудбалската легенда на Баерн Минхен и поранешен директор на овој тим, Ули Хенес, распали по овие два тима и за нивното неконтролирано трошење.
„Џабе ви се скапаните пари кога не можете да ја освоите Лигата на шампионите. Досега немате ништо освоено и се надевам дека така и ќе остане, за доброто на фудбалот“, изјави Хенес во еден од подкастите на националното германско радио.
Како што е познато, Манчестер сити изгуби во минатосезонското финале од Челзи со 1:0, а тоа му се случи и на ПСЖ против Баерн Минхен минатата година.
