Возачот на Ферари, Чарлс Леклер, е победник на трката за ГН на Монако, откако успеа да ја одбрани пол-позицијата, но и домашниот терен. Возачот од Монако беше во водство од почетокот до крајот и воопшто не беше загрозен од Оскар Пиастри кој заврши на втората позиција. Подиумот го комплетираше вториот возач на Ферари, Карлос Сајнц.
HE’S DONE IT!!!! 🏆
CHARLES LECLERC WINS THE MONACO GRAND PRIX 🤍❤️#F1 #MonacoGP pic.twitter.com/apYVBf2TKU
— Formula 1 (@F1) May 26, 2024
Светскиот шампион, Макс Ферстапен, трката ја заврши на шесттата позиција, а она што е интересно првите 10 возачи ги задржаа истите позиции како и на стартот.
Здедавната трка во Монте Карло попладнево не беше така здодевна на почетокот. Веднаш на стартот после еден мал контакт на Пиастри и Сајнц, возачот на Ферари се откажа, но имаше среќа бидејќи стартот беше поништен после големиот судир во кој учествуваа двајцата возачи на Хас, Хулкенберг и Магнусен, како и возачот на Ред Бул, Перес. Така Сајнц доби втора шанса да стартува и на крајот да дојде до подиумот.