Арсенал се пласира во четвртфиналето од Лига купот на Англија откако славеше против Ливерпул на „Енфилд“ со 5-4 во пенал-рулетот. За разлика од минатосезонската пресметка во истото натпреварување, во која Ливерпул и Арсенал ремизираа со високи 5-5 и решаваа во пенал-рулет, овојпат мрежите мируваа на „Енфилд“ во регуларните 90 минути.
Топчиите се реваншираа за поразот од 3-1 од пред три дена во Премиер лигата, а голманот Бернд Лено се истакна како херој за гостите од Лондон, со две одбрани во изведувањето пенали.
Лено прво му одбрани на Ориги во третата рунда, а потоа и на Вилсон по што Вилок го реализира клучниот пенал за тимот на Артета.
Претходно Брентфорд го совлада Фулам со убедливи 3-0, Стоук славеше на гости кај Астон вила со минимални 1-0.
