Познатата американска скијачка Линдзи Вон и францускиот алпски скијач Матје Баје предизвикаа лавина од гласини за нова романса откако беа забележани како заедно минуваат време во Њујорк.
Според ексклузивни извори и пишувањето на „Пипл“, двајцата спортисти сè повеќе се зближуваат, а нивното опуштено дружење во Големото Јаболко не можеше да остане незабележано.
Извор близок до двојката открил дека 41-годишната Линдзи Вон и 30-годишниот Матје Баје во моментов интензивно се запознаваат, но нивните заеднички појавувања зборуваат повеќе од зборови.
Двојката најпрво била забележана за време на опуштен шопинг во познатата њујоршка населба Сохо, по што заедно се возеле и со подземната железница.
Круна на нивниот викенд било посетувањето на Бродвеј, каде што во неделата позирале зад сцената на хит-мјузиклот The Outsiders…
Оваа потенцијална романса е првпат славната Американка да биде романтично поврзана со некого по раскинувањето со бизнисменот Диего Осорио во февруари 2025 година. Се чини дека Вон сега бара партнер кој целосно го разбира нејзиниот специфичен свет, а францускиот скијач, без сомнение, е некој што може да го направи тоа.
Неодамна и самата отворено зборуваше за тоа колку на луѓето кои не се занимаваат професионално со спорт им е тешко да го разберат нејзиниот начин на живот и жртвите што тој ги носи.
