Дербито меѓу најголемите англиски ривали Ливерпул и Манчестер јунајтед, многу веројатно ќе им припадне на домаќините на „Енфилд роуд“. Ливерпул води со 3:0 по 50 минути игра, а интересно е дека сите три погодоци беа постигнати во краток временски период од играта.
До 42 минута немаше погодоци, а потоа Гакпо донесе голема радост за домашните фанови и водство на Ливерпул од 1:0 на полувремето. На почетокот на второто полувреме Црвените започнаа фуриозно и постигнаа два гола за пет минути.
Дарвин Нуњез со глава погоди за 2:0 во 47 минута, а три минути подоцна повторно Гакпо стапи на сцена и ја затресе мрежата на гостите за предност од 3:0.
