Црвена ѕвезда ја совлада Валенсија во кошаркарската Евролига со 76-73, а победничкиот кош го даде бекот Лоренцо Браун, и тоа тројка со последниот звук на сирената во салата „Александар Николиќ“.
Браун го трошеше времето, немаше што да загуби, бидејќи и да утнеше, ќе имаше дополнителни пет минути игра, но тој успеа да најде простор, со чекор назад и преку раката на чуварот го исфрли баскетот пред да истече времето, и успеа да погоди, и да ги израдува фановите во салата. За Ѕвезда ова е четврта победа сезонава.
И во другите денешни евролигашки мечеви победуваа домаќините. Резултатите беа: Фенербахче – Химки 89-76, Алба – Жалгирис 69-62, Панатинаикос – Басконија 100-68, Макаби – Асвел 93-62.
Погледнете го кошот за победа на Ѕвезда:
INCREDIBLE! 🔥@Zo_Brown calls GAME!#7DAYSMagicMoment pic.twitter.com/w1zxDgU9UX
— Turkish Airlines EuroLeague (@EuroLeague) November 28, 2019
