Капитенот на македонската репрезентација, Горан Пандев нема да игра на последниот меч од групната фаза во Лигата на нации, против Гибралтар во Скопје. Тоа стана јасно, откако Пандев доби жолт картон на гостувањето кај Лихтенштајн, а со тоа му се акумулираа парен број на јавни опомени, што значи и автоматски суспензија од еден меч.
Пандев се подготвуваше токму на дуелот против Гибралтар да го одигра јубилејниот 100 натпревар во националниот дрес, но сега тоа ќе мора да го одложи за следен дуел.
