Европската фудбалска унија, УЕФА, реши да ја промени постапката за одигрување на натпревари од плејофот пред големите турнири.
Досега домаќините во баражите се одредуваа со ждрепка, а во иднина домаќин ќе биде тимот од првиот шешир кој е со подобар рејтинг.
Годинава, тимови како Италија, Данска и Турција ги играа своите одлучувачки натпревари од плејофот за Светското првенство во 2026 година на гостински терен. Со новото правило, тие би играле дома. Турција победи против Косово, но Данска и Италија загубија од Чешка односно Босна и Херцеговина, што можеби и немаше да се случи ако играа на домашен терен.
Македонија играше во баражи за СП 2022 и 2026, но немаше среќа во ждрепките, моравме да гостуваме во полуфиналињата и финалињата. Сега со новото правило, уште помали се шансите еден ден ако пак стигнеме до бараж, да играме на свој терен.
