Колумбија на свој терен со 2:1 го победи Бразил во меч од квалификациите за пласман на Светското првенство 2026 година, а херој на мечот беше Луис Дијас. Фудбалерот на Ливерпул во последните неколку недели преживеа животна драма, која на крајот е со среќен крај.
Неодамна родителите на Дијас беа киднапирани. Неговата мајка веднаш беше ослободена, но татко му беше во заложништво речиси две недели, па на крајот сепак безбедно беше спасен и вратен дома.
Фудбалерот на Ливерпул на најдобар можен начин ѝ се одолжува на својата земја, а тоа го потврди и утрово, кога беше херојот во победата на Колумбија против Бразил. Кариоките водеа со 1:0 на полувреме, но во последните 15 минути Дијас постигна два гола и направи пресврт.
Најпрво во 75-тата минута тој погоди со глава за 1:1, а еден од оние коишто најмногу се радуваа беше токму неговиот татко, кој во дрес на националната селекција гледаше од трибините.
Luis Diaz scores vs Brazil, look at the emotions all around ❤️🇨🇴
— 𝗟𝗨𝗖𝗔𝗦 (@LFC_Lucas_) November 17, 2023
Само четири минути подоцна, нов делириум за домашните навивачи и повторно Дијас беше стрелец на голот за 2:1, што на крајот се покажа и како клучен за победа на Колумбија.
GOAL 2-1
COLOMBIA HAVE TAKEN THE LEAD!!! BRAZIL ARE BEHIND!!
LUIS DIAZ AGAIN!!!
COLOMBIA VS BRAZIL pic.twitter.com/4oggAp3kXR
— LFCMinick (@LFCMinick) November 17, 2023
Интересно е дека постоеше можност Дијас воопшто да не игра на овој меч за да може да биде малку повеќе време со своето семејство, но тој реши да настапи и на крајот е херојот на Колумбија, а татко му буквално падна во транс од среќа.
Luis Diaz’s Dad tonight ❤️ pic.twitter.com/Bbao7Qp2Tn
— The Anfield Talk (@TheAnfieldTalk) November 17, 2023