Еден од најдобрите напаѓачи во последните две децении, Луис Суарес, би можело да ја прекине кариерата. Суарес моментално настапува за екипата на Гремио, а бразилските медиуми најавуваат дека е можно Уругваецот да објави крај на професионалната кариерата.
Голгетерот игра со константни болки во коленото, кои не може да се санираат и стануваат сè посилни и посилни. Се очекува Суарес наскоро да има состанок со челниците на Гремио, па договорот кој има важност до јуни 2024 година да биде прекинат.
🚨Luis Suarez might announce his retirement soon due to knee pain, which has become unbearable.
(via; @EsportesGZH) pic.twitter.com/vlI9zUlWrV
— Brasil Football 🇧🇷 (@BrasilEdition) June 20, 2023
Уругваецот ја почна кариерата во Насионал, потоа играше и за Гронинген и Ајакс, а потоа направи трансфер во Ливерпул. Од англискиот гигант замина во Барселона, каде што ги имаше најдобрите моменти во кариерата. Од каталонскиот гигант замина во Aтлетико Мадрид, потоа се врати во Насионал, а сега е дел од тимот на Гремио.
