Реал Мадрид официјално го продолжи договорот со Лука Модриќ до јуни 2023 година, што значи дека хрватскиот маестро и во новата сезона ќе биде моторот на европскиот шампион на свои речиси 37 години.
Ова е наградата за фантастичната сезона на Модриќ и Кралевите, во која ја освоија двојната круна, односно титулите во Ла Лига и Лигата на шампионите.
2⃣0⃣2⃣3⃣#Modrić2023 pic.twitter.com/T0VaoZ5cyy
— Real Madrid C.F. (@realmadrid) June 8, 2022
Со новиот договор Модриќ ќе ја забележи и 11-тата сезона во белиот дрес, кој досега го носеше со неизмерен успех. Искусниот играч за врска досега запиша над 430 настапи за Кралевите, во кои освои вкупно 20 трофеи, од кои пет се во Лигата на шампионите.
