Стивен Мегвајер и Марк Вилијамс синоќа одиграа дуел за историјата во снукерот. Мегвајер губеше со 0:4 во меч кој требаше да се реши со шест добиени фрејма. Иако беше во голема негатива, Мегвајер успеа да се врати во игра и стигна до 5:5. Решавачкиот 11-ти фрејм беше еден од највозбудливите. Шкотот поведе со 6:0 во решавачката партија, но потоа згреши и му даде шанса на Вилијамс, кој стигна до 33 поени и потоа направи грешка.
Мегвајер дојде на ред да удира, и тоа беше крајот за Велшанецот. Најинтересниот момент се случи при водство на Мегвајер од 59:33, кога една црвена топка остана залепена за „ѕидот“, но Шкотот со неверојатен потег успеа да ја внесе во средната дупка. Со тој потег, беше јасно кој ќе биде победник на еден од највозбудливите дуели.
Последниот фрејм од мечот може да го погледнете, а неверојатниот потег кој значеше и победа на Мегвајер е на 15:30 минута.
