Луис Суарес нема постигнато гол на гостински терен во Лигата на шампионите повеќе од четири години. Сепак, тоа не го спаси Интер, бидејќи Барселона вечерва играше на свој терен, а тогаш Уругваецот е многу опасен. Со двата гола во второто полувреме Суарес донесе голема радост на „Камп хоу“.
При првиот погодок, Суарес одлично реагираше и со волеј надвор од шеснаесетникот ја затресе мрежата на гостите. Голот за победа беше во соработка со Лионел Меси. Аргентинецот тргна во напад, навлече на себе неколку играчи и потоа асистираше до Суарес, кој знае да се снајде во таква ситуација кога ќе влезе во шеснаесетникот.
Погледнете ги двата погодоци на Суарес за пресврт и победа на Барселона против Интер.
