Легендарниот Мајкл Џордан во 2022 година имаше заработка од 256 милиони долари благодарение на договорот што го има со фирмата за спортска опрема „Најки“. Оваа сума е два и пол пати поголема од тоа што Џордан заработи во текот на целата НБА-кариера. Како играч, Џордан од договорите заработи околу 100 милиони долари, сума која е незамисливо мала за НБА-ѕвездите.
Сепак, по завршување на играчката кариера, Џордан создаде спортски бренд чија вредност во 2021 година достигна неверојатни 4,8 милијарди долари.
Се проценува дека Џордан моментално финансиски е „тежок“ 1,7 милијарди долари. Според многумина, Џордан е најдобриот кошаркар во историјата на НБА-лигата. Со тимот на Чикаго, тој шестпати беше првак во најсилната кошаркарска лига во светот.