Македонската ракометна репрезентација ќе игра во групата Б против Чешка, Австрија и Украина, на Европското првенство кое од 9 до 26 јануари, следната година ќе се игра во Австрија, Шведска и Норвешка. Македонија по петти пат во низа ќе биде дел од континеталниот собир, а на денешната ждрепка беше во вториот барабан. Македонија мечевите од групната фаза ќе ги игра во Виена, каде улогата на домаќин ќе ја има Австрија.
По комплетирање на ждрепката, познати се сите шест групи, а интересно ќе биде во А групата каде ќе играат Хрватска, Црна Гора и Србија.
Ова се сите шест групи за ЕП 2020:
Група А (Австрија-Грац): Хрватска, Белорусија, Црна Гора, Србија.
Група Б (Австрија-Виена): Чешка, Македонија, Австрија, Украина.
Група Ц (Норвешка-Тронхајм): Шпанија, Германија, Летонија,Холандија.
Група Д (Норвешка-Тронхајм): Франција, Норвешка, Португалија, Босна и Херцеговина.
Група Е (Шведска-Малме): Данска, Унгарија, Исланд, Русија.
Група Ф (Шведска-Гетеборг): Шведска, Словенија, Швајцарија, Полска.
