Ракометната репрезентација на Македонија изненадувачки загуби минимално со 31-32 на пријателскиот натпревар против Јапонија во Куманово. Нашите ракометари на првиот меч во „Автокоманда“ победија со 29-27, но на вториот меч, кој беше отворен за јавноста, неочекувано загубија.
Македонија имаше напад за реми, но на крајот требаше да погодиме од слободен удар по истекот на времето, а ударот на Филип Кузмановски заврши само во блокот на Јапонците.
