Селекторот Кирил Лазаров предводи експедиција од 21 ракометар што ќе ја претставуваат Македонија на Европското првенство од 13 до 30 јануари, а нашиот најдобар играч на сите времиња ќе има двојна улога, да командува од клупата, но и да помогне на терен.
Македонската репрезентација со чартер-лет денеска во 14.10 часот ќе патува за Дебрецин, каде што во првата фаза по групи ќе игра со Словенија на 13 јануари, потоа со Црна Гора два дена подоцна и со Данска на 17 јануари.
Сепак, Македонија има и континуитет на големите натпреварувања и искуство и квалитет, па иако не е фаворит во групата, очекува добар резултат.
