Обложувач кој вчера уплатил тикет во Sport Life може да го добие приматот за „Малер на неделата“ откако одигра 29 пара и успеа да погоди 28, а буквално последниот меч што го има додадено на тикетот, не го погоди.
Тактиката на обложувачот во сите средби била иста, а тоа е да има барем два гола на мечот. Одиграни се мечеви од најразлични првенства од целиот свет и првите 28 натпревари кои ги одиграл се погодени. Последниот пар кој е додаден на тикетот е тој од бразилското првенство меѓу Ботафого и Флуминесе.
Домаќинот победи со 1:0 со погодок постигнат во 75-тата минута, што на крајот беше недоволно тикетот кој е уплатен само со 100 денари, да донесе бруто-добивка од 203.202 денари, односно нето-добивка од 172.737 денари. Тикетот е уплатен со СЛ картичка, па како утешна е добивката од 10 пати по уплатата.