Во Манчестер јунајтед се надеваат дека до крајот на јули ќе потпишат договори со петмина фудбалери кои им се на листата на желби.
В петок Црвените ѓаволи заминуваат на претсезонска турнеја во Тајланд и Австралија и сакаат што побрзо да го реновираат составот.
Прв на листата на желби на менаџерот Ерик тен Хаг е неговиот сонародник Френки де Јонг од Барселона. Веќе е официјализиран трансферот на 22-годишниот левиот бек на Феенорд, Тајрел Маласи, а во Манчестер се борат со Арсенал за централниот дефанзивец на Ајакс, Лисандро Мартинес, а Тен Хаг во Јунајтед сака да го има и бразилскиот напаѓач Антони.
Понуда за тригодишен договор е испратена до данскиот плејмејкер Кристијан Ериксен и тој наскоро треба да го облече дресот на Јунајтед откако му истече договорот со Брентфорд.
