Фудбалерот за врска на Барселона, Фермин Лопес, би можело да ја продолжи кариерата во Премиер лигата, објави „Фишајес“.
Според изворот, Манчестер јунајтед понудил 80 милиони евра за 22-годишниот Шпанец, гледајќи го како идеален наследник на Каземиро во средниот ред.
Лопес е производ на младинската школа на каталонскиот гигант и има важечки договор со клубот до 2029 година. Во сезоната 2024/25 одигра 46 натпревари во сите конкуренции, постигна осум погодоци и забележа 10 асистенции.
На Барселона ѝ се потребни финансии за да може да ја санира лошата состојба и да може да ги регистрира без проблем новите засилувања, а можеби и да доведе уште еден дефанзивец по заминувањето на Ињиго Мартинес во Саудиска Арабија.
