Манчестер сити ги прифатил условите на Пол Погба за да направи трансфер од лутиот ривал Манчестер јунајтед, но францускиот ас се исплашил од реакцијата на навивачите на Црвените ѓаволи и трансферот пропаднал.
Погба во последен момент сфатил дека може да има големи непријатности ако премине од едниот во другиот тим од Манчестер и одлучил да си ја побара среќата во друг клуб, објавија англиските медиуми.
Погба е слободен агент од ова лето и за него беше заинтересиран и Јувентус, клуб за којшто францускиот репрезентативец играше од 2012 до 2016 година, и тоа многу успешно.
Во приказната се вмеша Манчестер сити и сè беше договорено со Погба, но трансфер ќе нема поради стравот на францускиот репрезентативец.
