Некогашниот хрватски репрезентативец, Марио Манџукиќ се очекува во скоро време повторно да се врати во италијанската Серија А. Манџукиќ неодамна го одработи договорот за Ал-Духаил во Катар и сега како слободен играч е на мета на повеќе клубови.
Манџукиќ во периодот од 2015 до 2019 година со успех го носеше дресот на Јувентус, па затоа и се очекува дека најреално е повторно да се врати во Серија А. Беневенто, Верона, па дури и Интер се споменуваа како можни нови клубови за Марио, а сега на листата се вмеша и Фиорентина.
Адут на Фиорентина е легендарниот Франк Рибери кој по една деценија играње во Баерн Минхен, сезонава го облече дресот на Виолетовите. Рибери и Манџукиќ беа соиграчи во Баерн и сега Французинот може да го наговори Хрватот повторно да бидат во ист тим.