Фудбалерите на Аланија од Владикавказ приредија огромна сензација во Рускиот куп со елиминација на актуелниот првак Зенит, а голот што им помогна да приредат изненадување беше фантастичен, од слободен удар, што беше мангупски подготвен и изведен во 92-рата минута.
Сите играчи на домашниот тим што беа во живиот ѕид, оддеднаш се повлекоа, а притоа и го сменија изведувачот на слободниот удар, па Николај Џоргобјани шутираше и мајсторски погоди за 2:2.
Следуваше драматична пенал-серија од по 7 удари, а играчите на Аланија беа попрецизни од гостите и славеа со 6:5 по ударите од белата точка.
OK Zenit have just been done by the weirdest free kick routine I’ve ever seen…!
Hats off to Alania for their late equaliser! pic.twitter.com/ZQSpLpS4fS
— SoRare Russia (@SoRareRussianPL) April 20, 2022
Аланија се пласира во полуфиналето на Рускиот куп заедно со уште еден второлигаш, Јенисеј, и двата клуба од Москва, Динамо и Спартак.
