Еден од најдовбрите фудбалери на сите времиња, Диего Армандо Марадона, ужива во успехот кој го прави како тренер во втората лига во Мексико. Марадона е на клупата на тимот на Дорадос, со кој ноќеска успеа да се пласира во финалето од плеј-офот за влез во елитната лига на Мексико.
Дорадос ноќеска загуби на гостувањето кај Хуарез со 1:0, но на крајот се радуваше, бидејќи првиот меч заврши со победа од 2:0 на тимот на Марадона. Со ваквиот резултат Дорадос стана првиот финалист во плејофот за пласман во првата мексиканска лига.
По завршување на мечот, веќе традиционално стана, во соблекувалната на Дорадос, токму Марадона да биде предводникот на славјето. Така беше и овојпат.
Diego Maradona has lead Dorados from dead last to the Ascenso MX (2nd professional level of the Mexican football league) final! What an incredible turnaround for El Gran Pez! pic.twitter.com/zbBi86IPB9
— Mootaz Chehade (@MHChehade) November 25, 2018
Пласманот на Дорадос во финалето е еден вид сензација, ако се знае дека тоа е тимот кој во регуларниот дел од сезоната заврши на седмото место на табелата.
