Матета сонуваше за деби-гол во Премиер лигата, а постигна ремек-дело (видео)
Феноменална штикла на францускиот напаѓач.
Кристал палас на полувремето води со 1-0 на гостувањето кај Брајтон во мечот од 25-тото коло благодарение на ремек-делото на Жан-Филип Матета.
Младиот француски напаѓач во зимскиот преоден рок дојде како позајмен играч од редовите на Мајнц, па во својот трет премиерлигашки настап конечно успеа да ја затресе мрежата, а ни помалку ни повеќе, тоа го стори со феноменална штикла.
Гостите од голманот Гита тргнаа во брз напад и само со три додавања стигнаа до противничкиот шестнаесетник, кога Матета се намести да ја прими топката, но одлучи да шутира од прва иако немаше изградено простор, па се послужи со петата.
