Англискиот премиерлигаш Манчестер јунајтед подготви трансфер листа на која се наоѓаат седуммина фудбалери, а меѓу нив и репрезентативецот на Гордиот Албион, Хари Мегваер.
Тоа и не е ништо ново за дефанзивецот, бидејќи речиси редовно го споменуваат како еден од кандидатите за заминување на „Олд Трафорд“, но тој секогаш останува во тимот.
Затоа, и овојпат даде сличен одговор.
„Да ви кажам искрено, сè што сум слушнал е дека сè уште сум дел од иднината на клубот. Подготвен сум да се борам за најголемите трофеи и се надевам дека новата сезона ќе ни биде многу поуспешна“, изјави Мегваер за медиумите на Островот.
