Хјунг-Мин Сон постигна два прекрасни гола за Тотенхем против Вест Хем, претходно го „принуди“ и Зума да си постигне автогол и е најзаслужен за победата на Спарс од 3:1 против Чеканите.
Тандемот Кејн-Сон доминираше во дербито на Лондон. Кејн имаше две асистенции, а Син со два гола ги декласира градските ривали од Лондон.
Дербито почна одлично за Тотенхем, а Зума си постигна автогол во 9. минута.
Гостите беа во нокдаун и ги нокаутира Сон со убав погодок во 24. минута за предност на домашниот тим од 2:0.
Три погодоци беа постигнати во првото полувреме, а Саид Бенрама намали на 2:1 во 35. минута.
Во финишот Сон со 13-от гол сезонава ја запечати победата на домашниот состав.
What a goal !! SON….#TOTWHU #PL pic.twitter.com/b3i2yFS9XU
— Sports Fanatic (@SportsFanaticFc) March 20, 2022
Тотенхем освои значајни бодови и го прескокна Манчестер јунајтед на петтата позиција со 51 бод.
Пред нив се Манчестер сити со 70 бода, Ливерпул со 69, Челзи со 59 и Арсенал со 54 на првите четири места во Премиерлигата што водат во Лигата на шампионите.
Вест Хем е на седмото место со 48 бода.
Во исто време од 17.30 часот во меч од Бундеслигата во Германија, Баер Леверкузен го победи Волфсбург како гостин со 2:0.