Новак Ѓоковиќ го освои трофејот на Вимблдон, но многу веројатно е дека тоа беше и негов последен Гренд слем турнир за оваа година. Поради законите кои ги имаат во САД, Ѓоковиќ како невакциниран странец нема да може да влезе во земјата.
Поради тоа што не е вакциниран против Коронавирусот, Србинот беше затворен во Мелбурн, а потоа и протеран од земјата, без шанса да игра на првиот Гренд слем во сезоната. Американците најавија дека не очекуваат Ѓоковиќ да игра на нивниот турнир затоа што не е вакциниран, но полека почнуваат протестите поради оваа одлука.
Прв кој јавно и гласно застана да негодува е легендарниот тенисер Џон Мекинро. Американецот упати порака до американските политичари да не се мешаат толку во спортот и да дозволат Ѓоковиќ да влезе во земјата и да игра на САД Опен.
„Политичарите премногу се мешаат во овие работи. Тоа го правеа и во Австралија. Пуштете го човекот да дојде во Њујорк и да игра. Луѓе, па ова е смешно“, е коментарот на Мекинро.
На САД Опен ќе може да играат невакцинирани домашни тенисери, но кога се работи за странци тие немаат дозвола за влез во земјата, а со тоа нема да може ниту да играат во Њујорк.
Последниот Гренд слем турнир во сезоната започнува на 29 август.
NEW: John McEnroe on Biden not allowing unvaccinated Djokovic into America to play in the US Open: “These politicians are getting in the way too much. They did it in Australia. Let’s let the guy come in and play in the U.S. I mean, c’mon, this is ridiculous!”
— Paul Sperry (@PaulSperry30) July 10, 2022
