Мекларен повторно на погон на Мерцедес
Новата соработка ќе започне од 2021 година
Болидите на Мекларен тимот од 2021 година повторно ќе возат со мотори на Мерцедес. Веста ја соопшти сопственикот на британскиот Формула 1 тим, Зек Браун. Мекларен и Мерцедес соработуваа од 1995 до 2014 година, а потоа посегнаа по агрегатите на Хонда, соработка која се прекина во 2017 година и од тогаш Мекларен вози со мотори на Рено.
Почнувајќи од 2021 година, на седумгодишната пауза ќе му дојде крајот, а Мекларен планира со моторите на Мерцедес повторно да се наметне меѓу најквалитетните тимови во Формула 1.
„Новиот договор со Мерцедес е важен чекор за нас кон враќањето на врвот. Мерцедес е лидер и како тим и како погонски агрегат, така што овој потег беше сосема логичен за нас.
Претходната соработка меѓу Мекларен и Мерцедес носеше големи успеси во првата деценија од 21 век. Мика Хакинен и Луис Хамилтон со тие болиди станаа светски шампиони. Инаку, актуелни управувачи со болидите на Мекларен се Карлос Сајнц и Ландо Норис.
McLaren Racing and Mercedes-Benz announce that the McLaren F1 team will be powered by Mercedes from 2021 until at least the 2024 season under a long-term agreement.
Find out more ⬇️
— McLaren (@McLarenF1) September 28, 2019
