Менаџерот на Манчестер јунајтед, Ралф Рангник, предложи во Англија да се укине Лига купот.
Неколку мечеви од Премиер лигата се одложени поради корона-вирусот, наскоро премиерлигашите ќе стартуваат и во ФА купот, па календарот е многу згуснат и затоа Рангник бара Англичаните да размислат за прекинување на својата традиција на која се многу горди.
„Вие подобро од мене знаете колку е долга традицијата на играње на Боксинг деј и треба да се држиме до тоа и да ја почитуваме традицијата. Ова ми е првпат во кариерата да водам тим во денот по Божик. Но, има некои работи за кои одамна требало да се разговара, на пример, укинување на Лига купот или воведување на пенали во ФА купот. Од големите лиги, само во Англија се играат две куп-натпреварувања. Лига купот се укина во Франција, тоа е натпреварување за клубови од пониските лиги да ќарат нешто на финансиски план“, вели Рангник.
