Менаџерот на Арсенал, Микел Артета, потврди дека Микел Мерино ќе мора да почека за своето деби. Шпанскиот стручњак потврди дека неговиот сонародник се здобил со незгодна повреда на рамото и ќе мора да паузира неколку недели.
„Микел заработи незгодна повреда на рамото и изгледа дека ќе мора да паузира неколку недели. Падна на земја, а потоа Габриел падна врз него. Веројатно има мала скршеница. Тој имаше многу болки, мора да почекаме и да направиме уште неколку тестови“, изјави Артета.
Шпанецот во вторникот го комплетира трансферот од Реал Сосиедад за 31,6 милиони фунти.
Мерино посакуваше да дебитира утре, а на првиот тренинг со својот нов клуб се судрил со соиграч и тоа резултирало со „мала скршеница“, која ќе го оддалечи од терените неколку недели.
