Во фудбалска Европа дојде периодот во кој ќе се одлучува за титулите во сите натпреварувања. Барселона е лидер во Примера дивисион со 10 бодови пред второпласираниот Атлетико Мадрид. Речиси сигурно е дека каталонскиот гигант ќе го одбрани тронот во домашното првенство, но сепак уште не е готово.
Викендов, Барселона на свој терен ќе го игра градското дерби против Еспањол, а нова победа ќе значи чекор плус до шампионскиот пехар. Навивачите на Барса беа во мал страв дали против Еспањол ќе играат двете најголеми ѕвезди, Лионел Меси и Луис Суарес. Меси заработи минимална повреда на пријателскиот дуел против Венецуела, па го напушти таборот на Аргентина, додека Суарес воопшто не отпатува со репрезентацијата на Кина на турнирско натпреварување поради повредата здобиена на средбата против Бетис.
Репрезентативните обврски завршија, а Меси и Суарес вчера се појавија на тренингот на Барселона и нормално тренираа како и сите останати играчи, непокажувајќи никакви знаци на можни повреди. Двајцата главни напаѓачи на Барселона треба да бидат ударната сила на Барселона на мечот кој в сабота се игра на „Камп ноу“ од 16:15 часот.
