Лионел Меси поставил ултиматум според кој Хосеп Марија Бартомеу, претседателот на Барселона, треба да си замине од клубот. Аргентинецот јасно изјавил дека треба да се одбере помеѓу него и првиот човек на шпанскиот првак. Ова го тврди Ел Чирингуито телевизијата.
Капитенот на Барселона најпрво влезе во конфликт со спортскиот директор Ерик Абидал, а челниците на Барселона синоќа на вонредна средба решија дека Абидал треба да остане на позицијата. Оваа одлука дополнително го налутила Меси и сега тој отвирил „војна“ директно против претседателот Бартомеу.
Планот на Меси е Бартомеу да си замине од клубот, да биде доведен нов претседател, а за тренер на екипата да биде назначен некогашниот соиграч на Лео, легендарниот Чави.
🔴🔵 PLAN MESSI EN EL BARÇA 🔒.
ELECCIONES ➡️ XAVI, ENTRENADOR
Te lo estamos contando en #JUGONES. pic.twitter.com/WLt0OeWhJX
— El Chiringuito TV (@elchiringuitotv) February 6, 2020
Целиот конфликт започна кога Абидал јавно изјави дека дел од играчите на Барселона не залагале доволно на тренинзите, а Меси веднаш му возврати дека мора тие играчи да бидат објавени со име и презиме.
Шпекулациите велат дека доколку ултиматумот на Меси не биде испочитуван, тој може да си замине, а пет клубови веќе се интересираат за неговиот потпис.
Истата телевизија летоска најавуваше дека е можно капитенот на Реал Мадрид да си замине во Кина, но тоа на крајот не се случи.