Шпанскиот стратег на Арсенал, Микел Артета, e прогласен за најдобар менаџер во Премиер лигата за сезоната 2025/26. Тој ја заслужи наградата во конкуренција на Пеп Гвардиола, Андони Ираола, Кит Ендрус, Режис Ле Бри и Мајкл Карик.
Под водство на Артета, тимот на Арсенал ја освои шампионската титула во Англија. Топчиите собраа 85 бода во 38 кола од првенството, оставајќи го зад себе најблискиот ривал Манчестер сити дури со седум бода заостанување. Ова е прва титула за Арсенал по пауза од 22 години.
Guiding Arsenal to their first Premier League title in 22 years 🔝
— Premier League (@premierleague) May 26, 2026
Mikel Arteta is your @barclaysfooty Manager of the Season 👏 pic.twitter.com/9sWZjCVBZT
Артета го презеде лондонскиот клуб во декември 2019 година. Оттогаш, покрај шампионската титула, тој го предводеше Арсенал и до освојување на ФА купот, како и два трофеи во Лига купот.
Во сабота избраниците на Артета ќе се соочат со Пари Сен Жермен во финалето на Лигата на шампионите. Натпреварот ќе се игра на стадионот „Пушкаш арена“ во Будимпешта.
