Италијанскиот великан Милан планира да ја засили дефанзивната линија со еден играч од Манчестер јунајтед.
Станува збор за Ерик Баи, кој во моментов е со својата репрезентација Брегот на Слоновата Коска и настапува на Африканскиот куп на нациите.
Според информациите, Милан е подготвен да му понуди на Манчестер позајмица на стоперот, а потоа и да добие право на откуп во вредност од 25 милиони евра. Преговорите се во почетна фаза, а според одредени информации, Баи не би имал ништо против да ја промени средината со оглед на тоа дека наводно не бил задоволен од минутажата во Манчестер јунајтед.
