Министерот за здравство на Холандија, Хуго де Јонге, бара публиката на фудбалските стадиони да биде дисциплинирана и да ги почитува протоколите за ковид-19, а навивачите со песна му порачаа дека е подобро да молчи.
Де Јонге, кој е вицепремиер на Холандија, но и министер за здравство и спорт, не е задоволен од однесувањето на навивачите, па најави заострување на мерките.
„Мора да се почитуваат мерките и да има социјална дистанца на трибините. Видовме сосема спротивно однесување на навивачите, гушкање на трибините, блиски контакти, што е недозволено. Ако не престане таквиот начин на бодрење на екипите, ќе воведеме нови мерки“, изјави Де Јонге.
Веднаш му одговорија навивачите на повеќе холандски клубови, а симпатизерите на Феенорд и на Го Ахед Иглс заедно му пееја вчера на „Де Кајп“ во Ротердам.
„Ако немаш нешто паметно да кажеш, подобро молчи“, ечеше од трибините на легендарниот стадион во Ротердам.
Hugo de Jonge, Dutch minister who is responsible for corona rules etc. Said fans had to sit down in the stadium. He is also a feyenoord fan, visited the match as well today. Fans where singing “Hugo shut the fuck up” for like 5-10 minutes of the match. (In Dutch) good atmosphere pic.twitter.com/UpD7UhfoEn
— Reval (@RevalEdits) August 22, 2021
Интересно е што Хуго де Јонг е голем навивач на Феенорд и беше присутен на трибините на „Де Којп“ на вчерашниот меч против Го Ахед Иглс.
