Челзи го претрпе најтешкиот пораз во историјата на Премиер лигата, откако со 0:6 загуби од Манчестер сити. Уште во првите 25 минути беше најавен тешкиот пораз на гостите, бидејќи „граѓаните“ имаа предност од 4:0. Речиси 30 години Челзи немаше примено четири гола за 25 минути од стартот на мечот.
По завршување на средбата во Манчестер, дефанзивецот на Челзи, Антонио Рудигер чувствуваше вина, па реши да замине кај навивачите на неговиот тим и да го подари дресот. Сепак, таму дочека лути фанови, кои не само што не го сакаа неговиот дрес, туку еден од навивачите кон него ја фрли членската годишна карта која ја има купено за следење на мечевите на Челзи на „Стемфорд Бриџ“.
A Chelsea fan throws his season ticket card onto the pitch after a confrontation with Antonio Rudiger #cfc #chelseafc #chelsea #MCICHE pic.twitter.com/ACnND0xUg9
— Carl Recine (@carlrecine) February 10, 2019
Сезонските билети за Челзи се трети најскапи во Премиер лигата и чинат 1.250 фунти. Челзи влезе во мини криза, откако го претрпе третиот пораз во последните пет меча. Претходно загуби и од Арсенал со 2:0, а неочекувано високо беше поразен и на гостувањето кај Борнмут со 4:0.
