Модриќ е подготвен за награда: Ја одиграв најдобрата сезона во кариерата

Хрватскиот репрезентативец Лука Модриќ пристигна во Лондон на Гала-фудбалската вечер во организација на ФИФА, на која ќе биде доделена наградата за најдобар фудбалер на сезоната.

Модриќ е фаворит за престижното признание откако со Реал Мадрид ја одбрани европската круна и со Хрватска го освои второто место на Мундијалот во Русија.

„Ја одиграв најдобрата сезона во кариерата. Се надевам на признанието на ФИФА, иако и останатите кандидати одиграа на врвно ниво“, изјави Модриќ.

Главен конкурент му е Мохамед Салах, а во трка е уште и Кристијано Роналдо. Сепак, Португалецот е аутсајдер, а и не допатува во Лондон на доделувањето на наградите, што фудбалските експерти го сметаат за сигнал дека нема да ја добие наградата.

- Оглас -

Најнови вести