Лука Модриќ и Тони Крос се алфа и омега во тимот на Реал Мадрид и царуваат на средината на теренот во составот што вчера по 14-ти пат ја освои титулата во Лигата на шампионите, а начинот на кој заедно славеа по завршување на мечот е хит на социјалните мрежи.
И буквално се тркалаа заедно на тревникот на стадионот „Стад Де Франс“ сосема заслужено по големата победа против Ливерпул од 1:0.
Модриќ и Крос се живи легенди на светскиот фудбал, а и двајцата имаат по пет титули во Лигата на шампионите.
Хрватот е петкратен европски првак со Реал Мадрид, а Крос има четири пехари со Кралскиот клуб и една со Баерн Минхен.
