Гаел Монфис загуби од Новак Ѓоковиќ во осминафиналето на АТП-турнирот во Синсинати со 2-0, по сетови 6-3 и 6-2. Со овааа победа Србинот има 19-0 во дуелите против Монфис, со што постави светски рекорд.
Сепак, францускиот тенисер по натпреварот се пофали дека побарал и добил автограм од Ѓоковиќ.
„Можеби ова не беше натпревар каков што очекував против најголемиот на сите времиња, но сепак ми беше чест и задоволство што играв против Новак Ѓоковиќ. И покрај сè, ова беше позитивна недела за мене. Сега ќе се одморам за да бидам оној вистинскиот за Отвореното првенство на САД. Ви благодарам за вашата неверојатна поддршка“, напиша Монфис и сподели слика од автограмот на Ѓоковиќ.
Ce n’était peut-être pas le match que j’espérais contre le GOAT, mais c’est toujours un honneur et un plaisir d’affronter @DjokerNole . Malgré tout, ça reste une semaine positive. Je vais me reposer pour être au top à l’US Open. Merci mille fois pour votre soutien incroyable 🙏🏾 pic.twitter.com/kszEVy1izA
— Gael Monfils (@Gael_Monfils) August 18, 2023