Денес во 14 часот во Нион ќе биде извршена ждрепката за плејофот на Конференциската лига. Веќе се објавени и можните противници на шампионот на Македонија, екипата на Струга, која остана како единствен наш преставник во европските купови.
Доколку Струга успее да го мине Есперанж од Луксембург во последниот филтер пред групната фаза, ќе игра со еден од поразените од дуелите: Зрињски (БиХ) – Брејдаблик (Исланд), Карабаг (Азербејџан) – ХЈК Хелсинки (Финска) и Астана (Казастан) – Лудогорец (Бугарија).
Натпреварите од плејофот на Конференциската лига ќе се играат на 24 и 31 август.
