Салернитана беше една од најслабите екипи во Серија А, но во последните две кола тие освоија шест бода и практично од испадната екипа, сега се вратија во живот.
Предмалку, во мечот против Удинезе којшто беше одложен и е од 19-тото коло на Серија А, тие го победија Удинезе со 1:0, и тоа на гостински терен. Илија Несторовски и овојпат беше заборавен на клупата за резервни играчи и станува сосем јасно дека ќе го напушти Удине во летниот преоден рок.
Стрелец на единствениот гол за Салернитана беше Симоне Верди во 93-тата минута, со што сега овој тим има 22 бода, колку што имаат Џенова и Венеција, коишто исто така се во зоната за испаѓање.
На 17-тото место се наоѓа Калјари, којшто има шест бода повеќе, но Салернитана има и меч помалку во однос на тимот од Сардинија.