Жозе Мурињо доби отказ од Тотенхем по само 17 месеци поминати на клупата на лондонскиот лондонскиот тим. Португалскиот стратег беше избркан непосредно пред финалето во Лига купот на кое Тотенхем се надеваше на првиот трофеј по пауза од повеќе од 10 години, но на крајот загуби од Манчестер сити.
Еден од најтрофејните тренери откри дека нема план во брзо време да се врати во клупскиот фудбал, па може дури и цела следна сезона да одмора.
„Немам планови, продолжувам со нормален живот. Се чувствувам свежо. На одмор сум, имам повеќе време да ги следам мечевите и да правам анализи. Ќе се вратам во фудбалот, но не во првиот клуб кој ќе ми даде понуда. Ќе ја чекам вистинската понуда. Можеби е прерано за да се вратам уште следната сезона. Ќе видиме како ќе биде“, рече Мурињо.
Португалецот нема долго да биде без работа, затоа што потпиша договор за соработка да биде стручен аналитичар на мечевите од Европското првенство.
