Португалскиот тренер Жозе Мурињо не ја пропушти шансата да го искоментира скандалот со прекинатиот меч меѓу Галатасарај и Адана. Дуелот во Истанбул беше прекинат во 30 минута откако гостите решија да го напуштат теренот поради лошото судење. Галатасарај водеше со 1:0 благодарение на голот од пенал во седмата минута.
Се очекува Галатасарај да добие службена победа и да има шест бода повеќе во однос на Фенербахче кој им е најголем ривал во трката за титулата. Токму тренерот на Фенербахче, Мурињо имаше свое видување за тоа што се случи на мечот на Галатасарај и го искажа на социјалните мрежи.
„Повикајте полиција“ беше една од песните кои ги постираше Мурињо. Неодамна Португалецот даде свој коментар за турскиот фудбал и порача. „Веќе 35 години сум во фудбалот и не сум видел вакво нешто“. Галатасарај има добиено девет пенали во своја корист во последните 10 натпревари.
The demirspor players just withdrew from the field after this penalty was awarded for galatasaray 😭😭
— J (@MourinhoPics) February 9, 2025
