Со четвртфиналните дуели денеска почнува вистинската борба за титула на Светското првенство за ракометари кое се одржува во Египет. Двојките се: Данска – Египет, Франција – Унгарија, Шпанија – Норвешка и Шведска – Катар. Според квотите во обложувалниците Sport Life, главен кандидат за трофејот е Данска.
Во пресрет на четвртфиналните битки, квотата дека Данска ќе стане светски шампион е 3.00. Потоа следува Франција со квота 4.00. Данска и Франција се тимови кои ги добија сите досегашни натпревари.
Дерби на четвртфиналната програма е дуелот на Шпанија и Норвешка. Викинзите се фаворити според квотите за овој меч, но според коефициентите за светски првак, овие две селекции засега се изедначени, со квота 6. Во четвртфиналето има и две неевропски репрезентации, Египет и Катар, но нив не им се даваат големи шанси за освојување на титулата. Квотата дека Египет ќе биде светски шампион е 17, а за Катар е 35.
