Франција без поголеми проблеми славеше на гостувањето во Тирана против Албанија, во меч на кој домаќините за првпат играа на новиот модерен стадион. Толисо го даде првиот погодок, а победата ја потврди Гриезман. Токму играчот на Барселона беше најдобар на теренот бидејќи покрај погодокот, тој беше и асистент за реализацијата на Толисо.
Токму додавањето за првиот гол на Франција го направи Гриезман да е најдобар асистент во квалификациите за ЕП 2020. За голгетерот тоа беше седма асистенција во овие квалификации, повеќе од кој било друг играч во Европа.
Интересно е што Гриезман сезонава го смени клупскиот дрес и од Атлетико се префрли во Барселона, каде што беше забележано дека Французинот едноставно не знае да соработува со капитенот на Каталонците, Лионел Меси.
7 – Antoine Griezmann has delivered 7 assists in the EURO 2020 Qualifiers, more than any other player. Generosity. #ALBFRA pic.twitter.com/qy4XoRVqRd
— OptaJean (@OptaJean) November 17, 2019
Освен рекордот со асистенции, Гриезман стигна до 30 погодоци во националниот дрес и влезе во друштво на Жист Фонтен, Мишел Платини, Жан Пјер Папен, Давид Трезеге, Тјери Анри, Зинедин Зидан и Оливие Жиру.
