Поради големиот интерес за натпреварот од Лигата на шампионите во ракомет кој Вардар ќе го игра против унгарски Веспрем на 1 декември во Скопје, пуштен е дополнителен контингент билети за овој интересен дуел.
Преку онлајн продажната мрежа на www.ticketplus.mk и на билетарницата на СЦ „Јане Сандански” ќе бидат пуштени во продажба дополнителни билети за секторот стоење.
Цената на билетите е 150 денари. Натпреварот меѓу Вардар и Веспрем е закажан за 1 декември во 17 часот во СЦ „Јане Сандански”. На македонскиот и европски првак му треба поддршка од трибините за да им се врати на победите по лошото издание кај Мешков Брест.
