Астон вила го победи Фулам со 3:1 во меч што ќе биде запишан во историската книга на англискиот фудбал. Сите 22-ца стартери, по 11 во двете екипи, не биле родени кога се одигра првиот меч во Премиер лигата.
Од 15 август во 1992 година тргна новиот проект во колевката на фудбалот и стартуваше Премиер лигата со својот прв меч, а денеска на „Вила парк“ за првпат во историјата од почеток играа исклучиво фудбалери што се родени по тој датум.
1992 – Aston Villa vs Fulham is the first game in @premierleague history in which every player in the starting XI for both sides was born after the first ever Premier League game on August 15th 1992. Quirky. pic.twitter.com/kotGpvdbi8
— OptaJoe (@OptaJoe) April 4, 2021
Домаќините го прославија необичниот податок со победа од 3:1, а успеаја да направат пресврт само за 9 минути по водството на Фулам со голот на Александар Митровиќ во 61-вата минута.
Репрезентативецот на Египет, Трезеге, со два брзи гола за 180 секунди го најави пресвртот во 78-мата минута, а потоа прецизен беше и Оли Воткинс за 13-ти триумф на Астон вила во историски меч што се одигра во Бирмингам.
