Алескандер Зверев објави дека нема да игра на Отвореното првенство на САД, последниот гренслем-турнир во сезоната, а причината е што сè уште не му е заздравена повредата на глуждот од Ролан Гарос.
Финалистот од Њујорк во 2020 година и актуелен олимписки шампион се повреди на несреќен начин во полуфиналето на Ролан Гарос против Надал и оттогаш нема играно тенис.
„Кога би се играл обичен турнир со мечеви во два сета, сигурно би играл. Но, на гренслем ви треба да сте максимално подготвени, а јас не сум и затоа морам да го пропуштам ова издание на САД опен“, изјави Зверев.
И тој како второрангиран тенисер на светот и Новак Ѓоковиќ, кој исто така нема да игра се уште се на листата со потенцијални учесници на Отвореното првенство на САД.
Проблемот со Ѓоковиќ е познат, тој е невакциниран против ковид-19 и не му дозволуваат да влезе во САД, слично како и на почетокот на годината во Австралија, каде што не настапи на Отвореното првенство на Австралија.
#USOpen Men's Seeds confirmed (still with Djokovic and Zverev, who are for now in the list):
First two out:
Cressy
Basilashvili pic.twitter.com/tIuSQahBPy— José Morgado (@josemorgado) August 22, 2022
Зверев во 2020 година играше финале на Отвореното првенство на САД и во епски меч загуби со 2:3 од Доминик Тим, иако водеше со 2:0 во сетови.
Лани ја освои титулата на Летните олимписки игри во Токио, Јапонија, и тоа му се двата најголеми успеси во кариерата.
