Рафаел Надал одржа вонредна прес-конференција на која ги потврди намерите да настапи на Вимблдон, третиот овосезонски гренслем.
„Моите намери се да играм на Вимблдон. Ги пропуштив претходните три изданија, сакам повторно да заиграм во Лондон. Засега сум оптимистичен околу мојот настап. Третманите на ногата се одвиваат според планот, тренирам според програмата и се надевам дека ќе бидам подготвен, но не се знае што ќе се случи во наредните неколку дена“, истакна Надал на прес-конференцијата.
Seeing Rafa Nadal back training on grass ahead of Wimbledon 🤩🌱@RafaelNadal | #Wimbledon pic.twitter.com/Uq50VmrLZY
— Eurosport (@eurosport) June 17, 2022
Се чини дека проблемите со ногата се надминати, Надал по пресот тренираше без проблем како што може да се види на видеото.
Инаку, шпанскиот тенисер ќе атакува и на трета гренслем титула во сезоната, по освоените трофеи во Мелбурн и во Париз, односно на 23-та вкупно во кариерата.
Останува да се види дали бранителот Ѓоковиќ ќе му биде главен противкандидат на Надал во битката за титулата во Лондон. Вимблдон стартува на 27 јуни, победникот во машка конкуренција ќе се дознае на 10 јули.
